សិក្ខាសាលា៖ ផ្សព្វផ្សាយលទ្ធផលបឋមពីការពិគ្រោះយោបល់តាមតំបន់ សម្រាប់ផែនការជាតិចូលរួមចំណែកឆ្លើយតបការប្រែប្រួលអាកាសធាតុ ដំណាក់កាលទី៣ (NDC 3.0)

🌱🌍 សិក្ខាសាលា៖ ផ្សព្វផ្សាយលទ្ធផលបឋមពីការពិគ្រោះយោបល់តាមតំបន់ សម្រាប់ផែនការជាតិចូលរួមចំណែកឆ្លើយតបការប្រែប្រួលអាកាសធាតុ ដំណាក់កាលទី៣ (NDC 3.0)

📅 ថ្ងៃទី ២៨ មីនា ២០២៥ | 📍 សណ្ឋាគារ Himawari, ភ្នំពេញ

វេទិកាអង្គការមិនមែនរដ្ឋាភិបាលកម្ពុជា (NGO Forum on Cambodia) សហការជាមួយ ក្រសួងបរិស្ថាន បានរៀបចំសិក្ខាសាលាមួយដ៏សំខាន់ ដើម្បីបង្ហាញលទ្ធផលបឋម និងបញ្ចេញសារសំខាន់ៗពីការពិគ្រោះយោបល់តាមតំបន់ សម្រាប់ ផែនការជាតិចូលរួមចំណែកឆ្លើយតបការប្រែប្រួលអាកាសធាតុ ដំណាក់កាលទី៣ (NDC 3.0)។

👥 វត្តមានអ្នកចូលរួមប្រមាណ ៩០ នាក់ (៣០ ស្ត្រី) រួមមាន ឯកឧត្តម កូប រ៉លី អនុរដ្ឋលេខាធិការ និងតំណាង ឯកឧត្តម បណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ព្រមទាំងតំណាងអង្គការសង្គមស៊ីវិល (CSOs) និងដៃគូអភិវឌ្ឍន៍។

✨ សិក្ខាសាលានេះបានទទួលការគាំទ្រផ្នែកបច្ចេកទេស និងហិរញ្ញប្បទាន ពីក្រសួងការបរទេសនៃប្រទេសហូឡង់ តាមរយៈ Oxfam in Cambodia (គម្រោង Fair for All), HEKS និង ស្ថានទូតបារាំងប្រចាំកម្ពុជា។

🎯 គោលបំណងសំខាន់ៗ

✅ បង្ហាញលទ្ធផលសំខាន់ៗ និងសំណើសុំពីភាគីពាក់ព័ន្ធ។

✅ ពិភាក្សា និងពិចារណាលើអាទិភាពសកម្មភាពអាកាសធាតុ (NDC 3.0) និងផែនការអភិវឌ្ឍជាតិ។

✅ ពង្រឹងកិច្ចសហប្រតិបត្តិការរវាងរដ្ឋាភិបាល អង្គការសង្គមស៊ីវិល និងដៃគូអភិវឌ្ឍន៍។

✅ បង្កើនភាពអំណោយផល ការចូលរួមទូលំទូលាយ និងការទទួលខុសត្រូវ។

💡 កំណត់សម្គាល់

👉🏻 ការពិគ្រោះយោបល់តាមតំបន់នេះ គឺជាជំហានសំខាន់ក្នុងការចងក្រងផែនការជាតិ (NDC 3.0) ដើម្បីឆ្លើយតបទៅនឹងវិបត្តិនៃការប្រែប្រួលអាកាសធាតុ និងអនាគតបៃតងរបស់កម្ពុជា! 🇰🇭🌿

📢 ចូលរួមអភិវឌ្ឍន៍ប្រកបដោយចីរភាព និងការងារអាកាសធាតុជាមួយយើង! 🌏🔥